हरी जवानी

हम किसान हन
क्याला के बिरवा जैसी तकदीर
सारी दुनिया पूजै हमका
सत्यनरायन स्वामी के
हमहे मंडप हन
बेफै बेफै लोग हिंया आरती उतारै
पढ़ि पोथी फिरि हमका
सरधा ते अकत्यावें
लोटियन भरि भरि नीरु चढ़ावें
भजन सुनावें
आँखी मूंदि पंडितउनू तब संखु बजावैं
पोथिन मा अपनी इज्जति पर
झूमि-झूमि हरसाई
दिन दूने औ रात चौगुने
फूलि फूलि हरियाई
फूल चढ़ा तौ बतिया आयीं
तिनुक पोढाई
अब तौ फल पर
ललुआ बुधुआ सबही की नजरें ललचाईं
पाहिले गहरि काटि लैगे
फिरि जड़ ते काटेनि
हिलि मिलि कै पूजा का फल
अपनेंन मा बाटेनि
की ते रोई -कौनु सुनी
हमारी यह बिथा किहानी
लूटि चुके हैं गांवै वाले हमारी फसलें
काटि रहे हैं जड़
अबहीं है हरी जवानी |